पारवा – बालकवी – Paarava Balkavi Marathi Kavita

पारवा (Paarava Balkavi) ही बालकवी अर्थात त्र्यंबक बापूजी ठोंबरे याची एक छोटीशी कविता आहे. सदर कवितेत पारवा या पक्ष्याची खिन्न उदास मनस्थिती चे वर्णन करताना स्वतःची मनस्थिती काहीशी तशीच आहे हे कवी नमूद करतात. तसेच जगातील मानवाचे दुःख बालकवींनी या कवितेतून मांडले आहे.

पारवा

भिंत खचली कलथून खांब गेला
जुनी पडकी उध्वस्त धर्मशाला
तिच्या कौलारी बसुनी पारवा तो
खिन्न नीरस एकांतगीत गातो

सूर्य मध्यान्ही उभा राहे
घार मंडळ त्याभवती घालताहे
पक्षी पानांच्या शांत सावल्यांत
सुखे साखरझोपेत पेंगतात.

तुला नाही परि हौस उडायाची
गोड हिरवा झुबक्यात दडायाची
उष्ण झळ्या बाहरे तापतात
गितनिद्रा तव आंत अखंडित

चित्त किंवा तव कोवळया विखारे
दुखतेखुपटे का सांग सांग बा रे
तुला काही जगतात नको मान
गोड गावे मग भान हे कुठून

झोप सौख्यानंदात मानवाची
पुरी क्षणही कोठून टिकायाची
दुःखनिद्रा निद्रिस्त बुद्धराज
करूणगीते घुमवीत जगी आज.

दुःखनिद्रा ती आज तुला लागे
तुझे जगही निद्रिस्त तुझ्या संगे
फिरे माझ्या जगतात उष्ण वारे
तुला त्याचे भानही नसे बा रे.

– बालकवी

Paarava Balkavi

Bhint Khachali Kalathun Khanb Gela
Juni Padki Udhvast Dharmshala
Tichya Kaulari Basuni Paarava To
Khinn Niras Ekantgeet Gaato

Surya Madhyanhi Ubha Raahe
Ghar Mandal Tyabhavti Ghaltahe
Pakshi Pananchya Shant Savlyant
Sukhe Sakharzopet Pengtat.

Tula Nahi Pari Haus Udayaachi
God Hirva Zubkyat Dadaayachi
Ushn Zalya Baahre Taaptat
Geetnidra Tav Aant Akhandit

Chitt Kinva Tav Kovalya Vikhaare
Dukhatekhupate Ka Sang Sang Baa Re
Tula Kahi Jagtat Nako Maan
God Gaave Mag Bhaan He Kuthun

Zop Saukhyanandat Maanvachi
Puri Kshanhi Kothun Tikaayaachi
Dukkhanidra Nidrist Buddharaj
Karungeete Ghumavit Jagi Aaj.

Dukkhanidra Ti Aaj Tula Laage
Tuze Jagahi Nidrist Tuzya Sange
Fire Mazya Jagtat Ushn Vaare
Tula Tyache Bhanahi Nase Baa Re.

— Balkavi

Watch it on YouTube: पारवा – बालकवी