कोठुनि येते मला कळेना (Kothuni Yete Mala Kalena) ही बालकवी अर्थात त्र्यंबक बापूजी ठोंबरे याची एक छोटीशी कविता आहे. अचानक आलेल्या उदासीनतेचे वर्णन, आणि ते आले कुठून त्याचा शोध एकप्रकारे या कवितेत मांडला आहे.
कोठुनि येते मला कळेना
कोठुनि येते मला कळेना
उदासीनता ही हृदयाला
काय बोचते ते समजेना
हृदयाच्या अंतर्ह्रदयाला ।।
येथे नाही तेथे नाही,
काय पाहिजे मिळावयाला?
कुणीकडे हा झुकतो वारा?
हाका मारी जीव कुणाला?
मुक्या मनाचे मुके बोल हे
घरे पाडिती पण हृदयाला
तीव्र वेदना करिती, परि ती
दिव्य औषधी कसली त्याला !
— बालकवी
Kothuni Yete Mala Kalena
Kothuni Yete Mala Kalenaa
Udasinata Hi Hrudayala
Kaay Bochate Te Samjenaa
Hrudayachya Antarhrudayala
Yethe Nahi Tethe Nahi
Kaay Pahije Milavayala?
Kunikade Haa Zukato Vaara?
Haakaa Maari Jiv Kunala?
Mukya Manache Muke Bol He
Ghare Paaditi Pan Hrudayala
Tivra Vedna Kariti, Pari Ti
Divya Aushadhi Kasali Tyala!
— Balkavi
Watch it on YouTube: कोठुनि येते मला कळेना
Source – बालभारती आणि कुमारभारतीतल्या मराठी कविता PDF
| Similar Post |
|---|
| पारवा – बालकवी |
| घरटा – बालकवी |
| फ़ुलराणी – बालकवी |
| निर्झरास – बालकवी – Nirzaras – Balkavi |