श्रावणमासि हर्ष मानसी (Shravanmasi Harsh Manasi) ही बालकवी अर्थात त्र्यंबक बापूजी ठोंबरे याची एक सुंदर अशी कविता आहे. श्रावण महिन्याच्या निसर्गाचे वर्णन यात कवींनी केलेले दिसते.
श्रावणमासि हर्ष मानसी
श्रावणमासि हर्ष मानसी हिरवळ दाटे चोहीकडे,
क्षणात येते सर सर शिरवे क्षणात फिरुनी ऊन पडे
वरती बघता इंद्र धनुचा गोफ दुहेरी विणलासे
मंगल तोरण काय बांधले नभोमंडपी कुणी भासे
झालासा सूर्यास्त वाटतो, सांज अहाहा तो उघडे
तर शिखरावर उंच घरावर पिवळे पिवळे उन पडे
उठती वरती जलदांवरती अनंत संध्याराग पहा
सर्व नभावर होय रोखिले सुंदरतेचे रूप महा
बलाकमाला उडता भासे कल्पसुमांची माळचि ते
उतरूनी येती अवनीवरती ग्रहगोलचि की एकमते
फडफड करुनि भिजले अपुले पंख पाखरे सावरती
सुंदर हरिणी हिरव्या कुरणी निजबाळांसह बागडती
खिल्लारे ही चरती रानी गोपही गाणी गात फिरे
मंजूळ पावा गाई तयांचा श्रावण महिमा एकसुरे
सुवर्ण चंपक फुलला विपिनी रम्य केवडा दरवळला
पारिजातही बघता भामा रोष मनीचा मावळला
सुंदर परडी घेऊनि हाती पुरोपकंठी शुद्धमती
सुंदर बाला या फुलमाला रम्य फुले पत्री खुडती
देवदर्शना निघती ललना हर्ष मावे ना हदयात
वदनी त्यांच्या वाचून घ्यावे श्रावण महिन्याचे गीत
– बालकवी
Shravanmasi Harsh Manasi
Shravanmasi Harsh Manasi Hiraval Daate Chohikade,
Kshanat Yete Sar Sar Shirave Kshanat Firuni Unn Pade
Varati Baghta Indra Dhanucha Gof Duheri Vinlaase
Mangal Toran Kaay Bandhale Nabhomandapi Kuni Bhase
Zalasa Suryasta Vatato, Saanj Ahaha To Ughade
Tar Shikharavar Unch Gharavar Piwale Piwale Unn Pade
Uthati Varti Jaladanvarti Anant Sandhyaraag Paha
Sarv Nabhavar Hoy Rokhile Sundarteche Rup Maha
Balaakmala Udata Bhase Kalpsumanchi Malachi Te
Utaruni Yeti Avanivarti Grahgolachi Ki Ekmate
Fadfad Karuni Bhijle Apule Pankh Pakhare Sawarti
Sundar Harini Hirvya Kurani Nijbalansah Bagadati
Khillare Hi Charati Raani Gopahi Gaani Gaat Fire
Manjul Paava Gaai Tayanchaa Shravan Mahimaa Eksure
Suvarn Champak Fulalaa Vipini Ramya Kevada Darvalala
Parijatahi Baghta Bhaama Rosh Manicha Mavalalaa
Sundar Paradi Gheuni Haati Puropkanthi Shuddhamati
Sundar Bala Yaa Fulmala Ramya File Patri Khudati
Devdarshana Nighati Lalana Harsh Mave Naa Hrudayat
Vadani Tyanchya Vachun Gyave Shravan Mahinyache Geet
— Balkavi
Watch it on YouTube: श्रावणमासि हर्ष मानसी
Source – बालभारती आणि कुमारभारतीतल्या मराठी कविता PDF
| Similar Post |
|---|
| घरटा – बालकवी Gharata Balkavi Marathi Kavita |